ARLOOPA-ն ընդգրկվել է AR/VR լավագույն ընկերությունների վարկանիշում

Լրացված եւ վիրտուալ իրականության տեխնոլոգիաների (AR/VR) լուծումներ առաջարկող հայաստանյան ARLOOPA ընկերությունն ընդգրկվել է DesignRush-ի կազմած հուլիսի լավագույն AR/VR ընկերությունների վարկանիշում։

DesignRush-ը B2B հարթակ է, որը բիզնեսներին կապում է լավագույն AR/VR ընկերությունների, մասնագիտացված գործակալությունների հետ՝ բիզնես գործընթացները բարելավելու նպատակով: Այն ներկայացնում է փորձագիտական ակնարկներ,  կազմում գործակալությունների վարկանիշային ցանկեր, մրցանակներ շնորհում, կիսվում գիտելիքներով, ռեսուրսներով և այլն։

ARLOOPA-ն վարկանիշային ցանկում 10-րդ հորիզանականում է։ Վարկանիշի ամբողջական ցանկին կարող եք ծանոթանալ այստեղ։

Նշենք, որ այս տարվա մայիսին ARLOOPA ընկերության համանուն հավելվածի օրգանիկ ներբեռնումների թիվը Google Play-ում հասել էր 4 միլիոնի։