Space Perspective-ը ցույց է տվել, թե ինչպիսին կլինի իր ապագա տիեզերանավը՝ Նեպտունը։
Սա հսկա օդապարիկի տեսքով տիեզերանավ է, որով մի քանի ուղևորներ կարող են 6-ժամյա թռիչք կատարել դեպի տիեզերք:
SpaceBalloon տեխնոլոգիայի (օդապարիկի) կիրառման շնորհիվ, ընկերությունը նշում է, որ հաջողվել է նվազեցնել ածխածնի արտանետումը և նման ճանապարհորդությունը դարձնել էկոլոգիապես ավելի մաքուր:
Թռիչքի ընթացքում զբոսաշրջիկները կնստեն հարմարավետ հանգստի սենյակում՝ բազկաթոռներով, շամպայն կխմեն և հսկայական պանորամային պատուհաններից կնայեն Երկրին։
Ճանապարհորդության դետալները կարող են ընտրել զբոսաշրջիկները՝ ճաշացանկից և խմիչքներից մինչև երաժշտությունն ու լուսավորությունը։
Ներսում գտնվող տեսախցիկները ֆիքսելու են ընթացքը, իսկ Wi-Fi-ի շնորհիվ հնարավոր կլինի կիսվել իրադարձություններով՝ չսպասելով Երկիր վերադարձին։
Թռիչքները կսկսվեն 2024 թվականից ոչ շուտ, բայց տիեզերանավի առաջին նկարները պատկերացում են տալիս, թե ինչպիսին կլինի ճանապարհորդությունը: Պաշտոնական կայքում նույնիսկ 3D տարբերակ կա, որի շնորհիվ կարող եք վիրտուալ կերպով շրջել ու ուսումնասիրել այն։
Նեպտունով դեպի տիեզեք 6-ժամյա ճամփորդության արժեքը 125 հազար դոլար է՝ երեք անգամ ավելի էժան, քան Virgin Galactic-ի առաջարկը, որն 90 րոպեանոց թռիչքի համար պահանջում է 450 հազար դոլար։
10:33 | 18.09.24 | Հոդվածներ
Ucom-ը ներսից. Երեւակայությունը, շուկայի զարկերակն ու պրոդուկտների թիմը
10:30 | 19.08.24 | Հոդվածներ
Zenbook S 16. ASUS-ի նորույթն՝ արհեստական բանականության գործառույթներով