-
Մարեկ Պարտելը
-
Արարատ Յուզբաշյանը
-
Վահան Քերոբյանը
-
Արարատ Յուզբաշյանը եւ Մարեկ Պարտելը
-
-
-
15:13 | 10.02.22 | Հոդվածներ | 2561
EstateGuru-ն ներգրավվում է հայկական ՏՏ ոլորտի տաղանդներին
EstateGuru-ը ընկերությունը, որը 2022թ. փետրվարի 9-ին նոր գրասենյակ բացեց Երեւանում, առաջարկում է անշարժ գույքի գրավադրմամբ վարկեր ՓՄՁ-ներին եւ ներդրումային հնարավորություններ համաշխարհային ներդրողներին:
Ընկերությունը մշակում է անշարժ գույքի ֆինանսավորման եւ ներդրումների թվային, առանց սահմանների էկոհամակարգ Եվրոպայում եւ նրա սահմաններից դուրս:
EstateGuru ընկերությունը մեկ շուկայում նախ միավորում է տարբեր ծառայություններ մատակարարներին՝ ՓՄՁ-ներին եւ ներդրողներին, ապա առաջարկում է եզակի ֆինանսական-թվային ծառայություններ՝ թե վարկառուներին, թե ներդրողներին:
Ընկերության թիմում այս պահին 113 մասնագետ է՝ 19 տարբեր երկրից, որոնք աշխատում են եւ գլխամասային գրասենյակ Տալինում, ինչպես նաեւ՝ Հելսինկիում, Լոնդոնում, Ռիգայում, Վիլնյուսում, Բեռլինում, Ամստերդամում եւ Երեւանում:
Արարատ Յուզբաշյանը
EstateGuru-ի տեխնիկական ղեկավար Արարատ Յուզբաշյանը, ներկայացնելով ընկերության հայկական թիմը, ասում է, որ այն բաղկացած է 25 տաղանդից, որոնք Հայաստանից են, Հորդանանից, Սիրիայից եւ Իրանից։
«Մեր թիմը բաղկացած է 25 մասնագետից, մտադիր ենք մինչեւ տարվա վերջ թիմը ընդլայնել հասցնելով՝ 40-ի։ Սա միայն սկիզբն է։ Վստահ եմ, որ երկու-երեք տարվա ընթացքում ընկերությունը 100 աշխատատեղ է ունենալու։ Մեր տեխնոլոգիական ենթակառուցվածքի անվտանգությունը վերանայվում, վերահսկվում եւ փորձարկվում է երրորդ կողմի անվտանգության թիմի կողմից, որն անկախ է գործում։ Նրանք են վերահսկում մեր համակարգերը եւ սքանավորում խոցելիությունները »,- ասում է Արարատ Յուզբաշյանը։
ՀՀ էկոնոմիկայի նախարար Վահան Քերոբյանն էլ ասում է, որ հայկական ՏՏ ոլորտը բավականին պահանջված է միջազգային ներդրողների կողմից, այն մրցունակ է, որի ապացույցն է տեխնոլոգիական կենտրոնի բացումը։
Վահան Քերոբյանը
«Հայացք ուղղելով ներկայիս միջավայրին՝ տեսանելի է, որ Հայաստանը ուշադրության կենտրոնում է պահում բարձր տեխնոլոգիաների բնագավառը՝ որպես հնարավորությունների ստեղծման աղբյուր։ Չնայած 2021 թվականի մարտահրավերներին՝ Հայաստանի տեխնոլոգիական եւ ստարտափ ինդուստրիան աճ է գրանցում, իսկ այս մասնաճյուղի բացումը հայ ծրագրավորողներին հնարավորություն է տալիս խոշոր միջազգային ընկերության մասը դառնալ։ Ծրագրավորողները շուկայում կդառնան մրցունակ, կընդարձակեն մտահորիզոնը, որը կստիպի նրանց ոլորտում ավելացնել իրենց մրցունակությունը»,- ասում է Քերոբյանը։
Արարատ Յուզբաշյանը եւ Մարեկ Պարտելը
EstateGuru-ի համահիմնադիր եւ նախագահ Մարեկ Պարտելն էլ վստահեցնում է, որ շարունակելու են նորարարություններ եւ ներդրումներ կատարել իրենց հավակնոտ տեխնոլոգիական ճանապարհային քարտեզում։
«Մենք օգտագործում ենք վերջին ամպային տեխնոլոգիան՝ ապահովելու մասշտաբայնություն, դիմադրողականություն եւ ճկունություն: Արտադրանքի եւ նորարարությունների մեր առաջնակարգ կենտրոնը միշտ եղել է Էստոնիայում, բայց մենք գտել ենք անհրաժեշտ տեխնիկական մասնագետներին Հայաստանում դեռ 2013 թվականին»,-ասում է EstateGuru-ի համահիմնադիր եւ նախագահ Մարեկ Պարտելը:
Լուսին Մկրտչյան
Լուսանկարները՝ Էմին Արիստակեսյանի
12:43 | 03.02.22 |
Հոդվածներ
Մասկն ընդդեմ Բայդենի. 5 հարց ու պատասխան
16:24 | 01.02.22 |
Հոդվածներ
NFT շուկայի փլուզումը սարերի հետեւում չէ
