Krisp ընկերությունը եւ Երեւանի Պետական Համալսարանը ստորագրել են հուշագիր YSU Krisp AI Lab գիտակրթական լաբորատորիա հիմնելու մասին։
«ԵՊՀ-ի բակալավրի, մագիստրատուրայի եւ ասպիրանտուրայի ուսանողները հնարավորություն կունենան ստանալ համապատասխան կրթություն, աշխատել արհեստական բանականության գիտական թեմաների վրա, տպագրել հոդվածներ։
Krisp-ի գիտական թիմի անդամները ղեկավարելու են ուսանողների գիտական թեմաները», - տեղեկացրել է ընկերության համահիմնադիր եւ գլխավոր տնօրեն Արտավազդ Մինասյանը:
Նա նշել է, որ լաբորատորիայի հիմնումը կարեւոր է մի քանի պատճառներով.
1. Գիտական հիմքի վրա ստեղծված ընկերությունը աճում է եւ սկսում է երկարաժամկետ ներդրումներ անել գիտության եւ բարձրագույն կրթության մեջ։
2. Հայաստանում ամրանում է արհեստական բանականության գիտական դպրոցը։
3. Կարեւորվում է կիրառական գիտության եւ բիզնեսի կապը։
