WhatsApp-ի դեսքթոփ տարբերակում արդեն հնարավոր է աուդիո եւ վիդեո զանգեր կատարել

WhatsApp-ը հայտարարել է, որ այսուհետ Mac եւ Windows օգտագործողները կկարողանան զանգեր կատարել հավելվածի դեսքթոփ տարբերակում:

Մեսենջերն այս գործառույթը թեստավորում է անցած տարվա դեկտեմբերից. այժմ այն հասանելի կդառնա բոլոր օգտագործողների համար:

Ընկերությունում նշել են, որ սկզբում հասանելի կլինի միայն անհատական զանգեր կատարելու գործառույթը, իսկ ապագայում կավելանա նաեւ խմբային աուդիո եւ տեսազանգերի հնարավորությունը:

Հիշեցնենք, որ հունվարի վերջին WhatsApp-ը հայտարարել էր գաղտնիության քաղաքականության նոր կանոնների ուժի մեջ մտնելը մինչեւ մայիսի 15-ը հետաձգելու մասին:

Նոր կանոնները, որոնք պետք է ուժի մեջ մտնեին 2021 թ. փետրվարի 8-ից, մեծաթիվ քննադատությունների են արժանացել թարմացումից դժգոհ օգտատերերի կողմից: