17:11 | 05.02.21 | Նորություններ | 3908
Starlink արբանյակային ինտերնետի համակարգից օգտվողների թիվը հասել է 10 հազ.-ի
SpaceX ընկերությունը դիմում է ներկայացրել ԱՄՆ Արժեթղթերի եւ բորսայի հանձնաժողով՝ Starlink-ը որպես հեռահաղորդակցության ոլորտի ընկերություն գրանցելու հայցով:
Ընկերության ներկայացուցիչների խոսքով, Starlink արբանյակային ինտերնետի համակարգից օգտվողների թիվն ԱՄՆ-ում եւ արտերկրում հասել է 10 հազ.-ի:
Starlink-ը գրանցման դեպքում ԱՄՆ կառավարությունից կստանա $885 միլիոն՝ գյուղական համայնքներին արբանյակային ինտերնետ տրամադրելու համար:
Հիշեցնենք, որ 2020թ. հոկտեմբերին Starlink-ի բետա փորձարկողները ստացան արբանյակային ինտերնետը փորձարկելու պաշտոնական հրավեր: Սարքի փաթեթն արժե $499, իսկ ամսական բաժանորդագրության արժեքն է՝ $99:
SpaceX-ում նշել են, որ արդեն ուղեծիր է դուրս բերվել ավելի քան հազար արբանյակ: Ինտերնետի նվազագույն ծածկույթ ապահովելու համար անհրաժեշտ է 360 արբանյակ, իսկ «ընդունելի» տարբերակի համար՝ 720 արբանյակ:
