ԱՄՆ իշխանությունները երկարաձգել են այն ժամկետը, որի ընթացքում TikTok-ի սեփականատեր ByteDance ընկերությունը պետք է ավարտի ընկերության ամերիկյան մասնաբաժնի վաճառքի գործարքը՝ Oracle եւ Walmart ընկերությունների հետ:
Գործարքի նոր վերջնաժամկետը դեկտեմբերի 4-ն է: Եթե գործարքը մինչ այդ օրը ավարտին չհասցվի, այն կարող է արգելափակվել ԱՄՆ տարածքում:
Հիշեցնենք, որ Դոնալդ Թրամփը մեղադրում է TikTok-ին՝ Չինաստանի հատուկ ծառայությունների հետ համագործակցելու մեջ: TikTok-ն, իր հերթին, նշում է, որ ամերիկացի օգտատերերի տվյալները պահպանում է ոչ թե Չինաստանում, այլ Սինգապուրում գտնվող սերվերներում:
Թրամփը օգոստոսին TikTok-ին 90 օր ժամանակ տվեց, որպեսզի վերջինս կամ վաճառեր հավելվածը ամերիկյան ընկերության, կամ հրաժարվեր ԱՄՆ-ում գործելու մտադրությունից:
TikTok-ն ԱՄՆ տարածքում ունի ավելի քան 100 մլն օգտատեր, 1500 աշխատակից: Ընկերությունը մտադիր է առաջիկայում շուրջ 10 հազ. նոր աշխատատեղ ավելացնել:
11:28 | 26.11.20 |
Նորություններ
Ֆրանսիան միջազգային խոշոր ՏՏ ընկերություններից պահանջում է թվային հարկ վճարել
16:33 | 25.11.20 |
Նորություններ
Samsung-ը երկու նոր սմարթֆոն է ներկայացրել
