15:33 | 30.09.20 | Նորություններ | 1932

Ինչպես օգնել այս օրերին. գործարկվել է ForVictory հարթակը

Գործարկվել է ForVictory հարթակը, որի նպատակն է մեկ վայրում հավաքել վերջին օրերին տարածվող ողջ տեղեկատվությունը՝ անհրաժեշտ իրերով կիսվելու, արյուն հանձնելու, գումարով աջակցելու եւ հավաստի լուրեր տարածելու մասին:

Հարթակը ստեղծվել է մի շարք անհատների կողմից:

Itel.am-ի հետ զրույցում նախաձեռնող խմբի անդամ Ռոբերտ Մարկոսյանը նշել է, որ հարթակի ստեղծման նպատակն է բոլոր խնդիրների լուծումները հավաքել մեկ վայրում՝ դրանք հասանելի դարձնելով հանրությանը:

Կայքում հասանելի են հետեւյալ տեղեկատվական բաժինները՝

#ishareaid - Կիսվել անհրաժեշտ պարագաներով
#ishareblood - Հանձնել արյուն
#isharefunds - Աջակցել գումարով
#isharetruth - Պայքարել մեդիա տիրույթում

Ռոբերտ Մարկոսյանի խոսքով, թիմն օպերատիվ կերպով աշխատում է տեղեկատվության հավաքման, ճշտման եւ հրապարակման ուղղությամբ: Առաջնային են համարում ստացված տեղեկատվության հավաստիությունը ստուգելը:

ForVictory հարթակը հասանելի է երեկվանից:

«Մինչեւ երեկո մի շարք փոփոխություններ կիրականացնենք, որոնք կայքից օգտվելն ավելի հեշտ կդարձնեն: Ունենք նաեւ Facebook-ի եւ Twitter-ի էջեր, շուտով ներկայություն կունենանք նաեւ Telegram-ում»,- նշել է Ռոբերտ Մարկոսյանը: