PicsArt-ը մեկնարկում է APM (Associate Product Manager) մասնագիտացման վեցամսյա հատուկ ծրագիր:
Ծրագրի նպատակն է ուսուցման հնարավորություն տալ նրանց, ովքեր ցանկանում են փոխել մասնագիտացումը, սովորել նոր հմտություններ եւ աշխատել PicsArt-ում:
17:34 | 08.04.19 |
PicsArt-ին դատի են տվել
Ծրագրի մանրամասները հասանելի ենայստեղ: Դիմումների ընդունման վերջնաժամկետը մայիսի 5-ն է:
PicsArt-ի պրոդուկտի գլխավոր ղեկավար Միքայել Վարդանյանի խոսքով, ծրագիրը բացառիկ հնարավորություն է պրոդուկտի ղեկավարում մասնագիտացման համար:
11:31 | 21.03.19 |
PicsArt-ն ամսական 130 մլն ակտիվ օգտատեր ունի եւ գրավում է Չինաստանը
«Այդ ընթացքում ծրագրի մասնակիցներն աշխատելու են հավելվածի վրա, սովորելով անմիջապես այն մարդկանցից, որոնք կանգնած են PicsArt-ի ստեղծման ակունքներում, եւ ում շնորհիվ հավելվածն ամբողջ աշխարհում ամսական 130 միլիոն ակտիվ օգտատեր ունի: Ծրագիրն ամբողջ դրույք աշխատանքի պես է: Մասնակիցները ընդգրկվելու են տարբեր թիմերում, մասնակցելու են դասախոսությունների, կապեր են հաստատելու եւ նոր հմտություններ են ձեռք բերելու։ Իսկ ծրագրի ավարտից հետո լավագույնները կընդունվեն նաեւ մեզ մոտ աշխատանքի»,- նշել է նա:
10:01 | 08.09.17 |
Աշխատանքն ու առօրյան PicsArt-ում
Միքայել Վարդանյանի խոսքով, APM ծրագիրը տարածված եւ հաջողված փորձ է միջազգային խոշոր ընկերություններում:
«Պատահական չէ, որ այդ փորձը ներդնում ենք նաեւ PicsArt-ի հայաստանյան գրասենյակում: Պրոդուկտների ղեկավարումը պահանջում է բազմակողմանի, պրակտիկ գիտելիքների մեծ պաշար, ընկերության պրոֆիլի ամբողջական տիրապետում եւ, իհարկե, փորձառություն. այս ամենը հնարավոր է APM վեցամսյա ծավալուն այս նախագծի շնորհիվ»,- հավելել է նա:
Ծրագրի մեկնարկային երկու շաբաթվա ընթացքում կներկայացվի PicsArt-ի հավելվածը, ընկերության կորպորատիվ մշակույթը եւ արժեքները։ Մասնակիցները կծանոթանան ընկերության բոլոր թիմերի աշխատանքին եւ կուսումնասիրեն պրոդուկտները: Տիրապետելով ընկերության գործունեությանը, նրանք կընդգրկվեն չորս տարբեր թիմերում՝ զարգացնելով պրոդուկտների մշակման նորարարական մոտեցումներ եւ այլ հմտություններ: Մասնակիցները կունենան նաեւ անհատական մենթորներ, որոնք կաջակցեն նրանց խորհրդատվությամբ եւ փորձի փոխանցմամբ:
