ՎիվաՍել-ՄՏՍ-ում աշխատում են մալուխի վնասվածքը վերացնելու ուղղությամբ

ՎիվաՍել-ՄՏՍ-ը տեղեկացնում է, որ Վրաստանի Հանրապետության տարածքով անցնող կապուղին ժամանակավորապես չի գործում՝ միջազգային տարանցիկ մալուխի վնասման պատճառով:

Ընկերությունում նշել են, որ դրա հետեւանքով խնդիրներ են ստեղծվել տվյալների փոխանցման ծառայությունների մասով:

«Արագ արձագանքման թիմերն իրականացնում են անհրաժեշտ աշխատանքներ՝ վնասվածքը վերացնելու ուղղությամբ: Ներկա դրությամբ գործում է ՎիվաՍել-ՄՏՍ-ի պահուստային ենթակառուցվածքը»,- ընդգծել են ընկերությունում: