Հանրապետության նախագահ Արմեն Սարգսյանն այսօր այցելել է PicsArt ընկերություն, ծանոթացել վերջինիս գործունեությանը:
Շրջայցի ընթացքում PicsArt-ի համահիմնադիր եւ գործադիր տնօրեն Հովհաննես Ավոյանն ու գլխավոր տնօրեն Միքայել Վարդանյանը նախագահին են ներկայացրել ընկերության գործունեության առանձնահատկությունները, կառավարման համակարգի մոտեցումները, կառուցվածքը, ընդհանուր քաղաքականությունը, ինչպես նաեւ PicsArt հավելվածի հնարավորությունները:
Անդրադարձ է կատարվել Հայաստանում ՏՏ ոլորտի զարգացման հեռանկարներին, հայաստանյան ստարտափերի հետ համագործակցությանը: Ներկայացվել են նաեւ ընկերության հետագա գործունեության ուղղությունները, միջազգային համագործակցության ներկա իրավիճակն ու ընդլայնման ծրագրերը, ինչպես նաեւ ընկերության կողմից իրականացվող կրթական ծրագրերն ու կրթական հաստատությունների հետ համագործակցության խնդիրները:
Նախագահ Սարգսյանը պատրաստակամություն է հայտնել հնարավորինս աջակցել ընկերության զարգացմանը:
PicsArt հավելվածն այսօր 30 լեզվով հասանելի է ամբողջ աշխարհում՝ iOS, Android եւ Windows հարթակներում: Հավելվածն 100 միլիոնից ավելի ամսական ակտիվ օգտատեր ունի, որոնք ստեղծում եւ խմբագրում են մոտ մեկ միլիարդ պատկեր եւ տեսանյութ։
11:56 | 07.09.18 |
Նորություններ
Հայտնի են Երեւանում կայանալիք WCIT 2019-ի անցկացման օրերը
10:22 | 07.09.18 |
Նորություններ
ArmIGF 2018-ը կանցկացվի հոկտեմբերի 10-ին
