Նոր ուսումնական տարվա մեկնարկի առթիվ Հանրապետության նախագահ Արմեն Սարգսյանն այցելել է Dasaran կրթական կենտրոն:
Այցի ընթացքում Արմեն Սարգսյանը ներկա է գտնվել արդիական կրթաձեւերի, ներառական կրթության եւ ՀՀ-ում երեխաների իրավունքների պաշտպանության համակարգի վերաբերյալ աշխատանքային սեմինարին՝ նախատեսված հանրակրթական դպրոցներում դասավանդող մանկավարժների համար:
Նախագահը ծանոթացել է Dasaran-ի կողմից մշակված E-stat առցանց վիճակագրական-վերլուծական գործիքին, որը հնարավորություն է տալիս ընդգրկուն կերպով դիտարկել հանրակրթական համակարգի բոլոր շերտերն ու վերլուծել դպրոցների արդյունավետությունը, աշակերտների կատարողականը, ինչպես նաեւ ժողովրդագրական տվյալների դինամիկան:
Արմեն Սարգսյանը ներկա է գտնվել նաեւ կենտրոնում աշակերտների համար անցկացվող «Առաջին բուժօգնություն» հատուկ դասին, որը միտված է աշակերտների շրջանում արտակարգ իրավիճակներում ճիշտ վարքաձեւերի մասին իրազեկվածության բարձրացմանը։
«Երազանքը դա հետազոտելու, ճշմարտությունը գտնելու լավագույն ճանապարհներից մեկն է, առանց երազանքի չգիտես՝ ուր գնաս», - երեխաների հետ զրույցում նշել է Արմեն Սարգսյանը:
14:38 | 03.09.18 |
Նորություններ
STEP դրամաշնորհային ծրագիրն ընդունում է հայտեր
11:34 | 03.09.18 |
Նորություններ
Startup Wise Guys-ի տնօրենը հանդիպել է հայաստանյան ստարտափներին
