ՎիվաՍել-ՄՏՍ-ն իր «բաց դռների օր» միջոցառման շրջանակում հյուրընկալել է «Երեւակ» կրթահամալիրի ավագ դպրոցի 10-րդ եւ 11-րդ դասարանների սաներին:
Աշակերտները հնարավորություն են ունեցել ծանոթանալ ՎիվաՍել-ՄՏՍ-ի պատմությանը եւ ընկերության արձանագրած հաջողություններին:
Շրջայցի ավարտին դպրոցականները հանդիպել են ՎիվաՍել-ՄՏՍ-ի գլխավոր տնօրենի հետ: Ռալֆ Յիրիկյանը դպրոցականներին խորհուրդներ է տվել մասնագիտական կողմնորոշման եւ ընտրության գործում ու պատասխանել նրանց հարցերին:
«Ճանաչողական այսօրինակ հանդիպումները շատ կարեւոր են փորձի փոխանակման, մասնագիտության ճիշտ ընտրության եւ երիտասարդներին՝ ընկերության հաջողված օրինակով առաջնորդելու տեսանկյունից: Տարբեր ոլորտներում ընդգրկված՝ ընկերության փորձառու մասնագետների հետ շփվելու եւ նրանցից խորհուրդներ ստանալու հնարավորությունները միտված են երիտասարդների մտահորիզոնի ընդլայնմանն ու անփոխարինելի են հետագա մասնագիտական կրթության վերաբերյալ պատկերացում կազմելու հարցում»,- նշել է Ռալֆ Յիրիկյանը:
11:23 | 28.11.17 |
Նորություններ
Beeline-ն արդիականացնում է հեռախոսային ցանցն Առափի գյուղում
17:30 | 27.11.17 |
Նորություններ
ՎիվաՍել-ՄՏՍ-ի աջակցությամբ լուսավորվել են Տաշիր քաղաքի փողոցները
