Beeline-ը նոր ակցիա է հայտարարում

Beeline-ը հայտարարում է My Beeline Armenia հավելվածի նոր ակցիայի մասին:

Սեպտեմբերի 15-ից մինչեւ հոկտեմբերի 15-ը Beeline-ի բաժանորդները՝ իրենց բջջային հեռախոսներում ներբեռնելով My Beeline Armenia հավելվածը եւ գրանցվելով հավելվածում, կստանան 30 օրվա ընթացքում 1000 ՄԲ անվճար ինտերնետից օգտվելու հնարավորություն:

«Մենք աշխատում ենք մեր բաժանորդների համար ստեղծել ժամանակակից տեխնիկական լուծումներ թվային ոլորտում եւ տրամադրել շահավետ առաջարկներ: Համոզված եմ, որ այս հավելվածն առաջին իսկ օգտագործումից հետո կդառնա բաժանորդների լավագույն օգնականը եւ դրա շնորհիվ մեր ծառայությունները  էլ ավելի պարզ ու հարմար կդառնան»,- նշել է Հայաստանում Beeline-ի Գլխավոր տնօրեն Անդրեյ Պյատախինը։

«My Beeline Armenia» հավելվածի միջոցով բաժանորդը կարող է հեշտությամբ կառավարել հաշիվը, տեսնել մնացորդը, միացնել կամ անջատել կապի ծառայությունները, ստանալ հաշվի վերծանում, սակագնային փաթեթի եւ միացված ծառայությունների վերաբերյալ տեղեկատվություն, կատարել առցանց վճարումներ եւ mShop-ի միջոցով պատվիրել SIM-քարտ, սմարթֆոն եւ այլն:

Հավելվածն անվճար կարելի է ներբեռնել Play Market, App Store եւ Windows հարթակներից, իսկ վեբ տարբերակով մուտք գործելու համար հարկավոր է անցնել im.beeline.am հղումով։