17:32 | 24.07.17 | Նորություններ | 8200
Արբանյակային կապի ծառայություն մատուցող Global Star-ի ներկայացուցիչները Երեւանում են
ՀՀ տրանսպորտի, կապի եւ տեղեկատվական տեխնոլոգիաների նախարար Վահան Մարտիրոսյանն ընդունել է արբանյակային կապի ծառայություններ մատուցող ամերիկյան «Գլոբալսթար» (Global Star) ընկերության կարգավորման հարցերով փոխնախագահ Բարբի Փոնդերին:
Նախարարության տարածած հաղորդագրության համաձայն՝ Բարբի Փոնդերը ներկայացրել է ընկերության ծառայություններից մեկը, որը հնարավորություն է տալիս, գտնվելով աշխարհի ցանկացած կետում, որտեղ չկա բջջային կապ, սարքի մեկ կոճակի հպումով արբանյակի միջոցով գտնվելու վայրի մասին հաղորդագրությունն ուղարկել ընկերներին ու ընտանիքի անդամներին:
Ընկերությունն առաջարկում է նաեւ տեղորոշիչ (tracking) ծառայություններ` տրանսպորտային համակարգը կազմակերպելու եւ վերահսկելու ոլորտում:
Վահան Մարտիրոսյանը նշել է, որ Հայաստանի տարածքի 90 տոկոսից ավելին ապահովված է բջջային ազդանշանով եւ առաջարկել է Բարբի Փոնդերին համագործակցության ուղիներ քննարկել տեղական մասնավոր շահագրգիռ ընկերությունների հետ:
![](https://itel.am/datas/znews/big_[{"basename":"Megafon_news_arm.jpg","link":"\/2017\/07\/24\/5975d672cccaa8.79865446.jpg","description":{"am":{"label":"","author":"Ucom"},"ru":{"label":"","author":"Ucom"},"en":{"label":"","author":"Ucom"}},"show_in_text_place":"","hide_from_gallery":"on","sort_order":"0","top":"off"}])
