HelloSIM-ը կօգնի մոռանալ ռոումինգ ծախսերի մասին

Հայ հիմնադիրներ ունեցող GMobile ընկերության մշակած HelloSIM-ը միջազգային ճանապարհորդական կանխավճարային SIM քարտ է, որն առաջարկում է ցածր սակագներ աշխարհի ավելի քան 200 երկրում:

Այսօր մեկնարկած Դիջիթեք բիզնես ֆորումի շրջանակում ընկերության բիզնեսի զարգացման մենեջեր Գեղեցիկ Գաբրիելյանը Itel.am-ի հետ զրույցում նշել է, որ Hello Sim-ի առաջարկած սակագները ռոումինգի ստանդարտ սակագների համեմատ 10 անգամ ավելի ցածր են:  

Քարտն առաջարկում է զանգերի, ինտերնետի, sms եւ այլ մոբայլ ծառայություններ:

«Հասանելի է քարտի 3 տարբերակ` Standard, Micro and Nano՝ կախված ձեր հեռախոսի մոդելից: Քարտը մինչ օրս օգտագործվել է ավելի քան 10 000 մարդու կողմից, որոնց մեծ մասը Հայաստանից են»,- նշել է Գեղեցիկ Գաբրիելյանը:

HelloSIM-ի՝ տարբեր երկրների համար գործող սակագները հասանելի են այստեղ:

2014թ. հիմնադրված ընկերությունը գրանցված է Վրաստանում:

Հայաստանում HelloSim-ը գործարկվել է շուրջ 1 տարի առաջ:  

Նարինե Դանեղյան