ՀՀ վարչապետ Կարեն Կարապետյանն այսօր այցելել է հայկական PicsArt ընկերություն, ծանոթացել վերջինիս գործունեությանը, աշխատանքի համար ստեղծված պայմաններին եւ ընդլայնման ծրագրերին:
PicsArt-ի համահիմնադիր Արտավազդ Մեհրաբյանը եւ ընկերության գլխավոր տնօրեն Միքայել Վարդանյանը կառավարության ղեկավարին տեղեկացրել են, որ վերջին 2 տարվա ընթացքում ընկերության աշխատակիցների թիվն աճել է 2.5 անգամ։
Ներկայում PicsArt-ի հայաստանյան գրասենյակն ունի 350-ից ավելի աշխատակից, որոնցից շատերը ՏՏ, ծրագրերի կառավարման ու դիզայնի ոլորտների մասնագետներ են։ Աշխատակիցների միջին տարիքը 25 է։ PicsArt-ը նաեւ 30-ից ավելի աշխատակից ունի Սան Ֆրանցիսկոյի գրասենյակում։
Կարեն Կարապետյանը ողջունել է PicsArt-ում առկա աշխատանքի կրեատիվ միջավայրը, որը նպաստում է ստեղծագործական ներուժի լիարժեք օգտագործմանը: Տեղեկանալով, որ ընկերությունը որակյալ մասնագետներով համալրման խնդիր ունի՝ վարչապետը պատրաստակամություն է հայտնել աջակցել եւ հորդորել է ներկայացնել PicsArt-ի հետագա զարգացմանը, համապատասխան կադրերի պատրաստմանը վերաբերող առաջարկություններ:
16:32 | 24.03.17 |
Նորություններ
ՎիվաՍել-ՄՏՍ-ը ծառատունկ է իրականացրել Ուրցաձորում
13:20 | 24.03.17 |
Նորություններ
Ucom-ը շարունակում է աջակցել «Արմաթ» լաբորատորիաներին
