Հայկական ստարտափների ներկայացուցիչները կարող են դիմել ԱՄՆ-ում կայանալիք Անդրատլանտյան նորարար երիտասարդ առաջնորդների նախաձեռնություն (YTILI) ծրագրին:
Դիմումների ներկայացման վերջնաժամկետը փետրվարի 6-ն է: Դիմում-հայտը հասանելի է այստեղ:
Ընտրված մասնակիցներն ԱՄՆ-ում կներգրավվեն առեւտրային եւ սոցիալական բիզնեսների զարգացմանը նպաստող մասնագիտական զարգացման եւ առաջնորդության ծրագրերում: Ծրագիրը կօգնի ներդրողներին գրավելու եւ ստարտափներին աջակցելու նպատակով կապեր ձեռք բերել եւ երկարատեւ համագործակցություն հաստատել:
YTILI ծրագրին կարող են դիմել 24-35 տարեկան անձիք, որոնք ունեն առնվազն 2 տարվա ձեռներեցական կամ առաջնորդական փորձ, ամերիկյան J-1 վիզա ստանալու իրավունք, ինչպես նաեւ անգլերեն լեզվի բավարար հմտություններ: Դիմորդները չպետք է հանդիսանան ԱՄՆ քաղաքացի կամ աշխատեն ամերիկյան կառավարությունում:
Ծրագրի մանրամասներին կարող եք ծանոթանալ այստեղ:
13:27 | 24.01.17 |
Նորություններ
Samsung-ը հայտնել է Galaxy Note 7-ի անսարքության պատճառը
