Ucom-ի աջակցությամբ Հանքավանում տեխնոլոգիական ճամբար է կազմակերպվում

Հուլիսի 11-25-ը Հանքավանում անցկացվում է ամառային տեխնոլոգիական ճամբար` 9-13 տարեկան 600 դպրոցականների համար:

Ամառային ճամբարն իրականացվում է Վորլդ Վիժն Հայաստանի, Ucom ընկերության եւ Ինֆորմացիոն տեխնոլոգիաների ձեռնարկությունների միության կողմից:

Տեխնոլոգիական ճամբարին մասնակցում են Վորլդ Վիժն Հայաստանի շահառու համայնքների անապահով ընտանիքների երեխաներն ու մարզերի «Արմաթ» ինժերական լաբորատորիաների սաները:

ԻՏՁՄ-ում նշել են, որ ստեղծարար եւ ակտիվ հանգստի պայմաններում համախմբված դպրոցականները կիսվում են ինժեներական հմտություններով, յուրացնում նոր գիտելիքներ ու խրախուսում միմյանց: Երեխաները մասնավորապես սովորում են ծրագրավորել գծին հետեւող ռոբոտ: Բացի այդ, թիմային աշխատանքի միջոցով նրանք նոր եռաչափ տպիչներ են ստեղծում Արցախի դպրոցների համար: