Ինֆորմացիոն տեխնոլոգիաների ձեռնարկությունների միությունը (ԻՏՁՄ) ՏՀՏ համայնքի մասնագիտական ներուժը միավորելու եւ հայկական բանակի մարտունակությունը բարձրացնելու նպատակով հանդես է եկել երկու նախաձեռնությամբ:
ԻՏՁՄ-ում տեղեկացրել են, որ ստեղծվել է հատուկ հաշվեհամար, որին փոխանցված գումարը կհատկացվի Հայոց բանակի մարտունակությանն ուղղված կարեւորագույն խնդիրների լուծմանը: Հաշվեհամարն է՝ Կոնվերս Բանկ ՓԲԸ, ՀՀ դրամ 19300 52916980200:
Միությունը նախաձեռնել է նաեւ ՏՀՏ ոլորտի մոբիլիզացիոն ենթակառուցվածքի ներդրման ծրագիր, որի շրջանակում սկսել է հավաքագրել ՏՏ ընկերությունների մարդկային եւ տեխնիկական ռեսուրսների վերաբերյալ համապատասխան տեղեկատվություն։
«Վերջին օրերի ռազմական գործողությունները կարեւոր դասերից է ինքնակազմակերպման եւ դրանով առկա ներուժն արդյունավետ օգտագործելու համար:
ԻՏՁՄ-ն համոզված է, որ ՏՀՏ ոլորտն ամբողջությամբ պատրաստակամ է իր մասնակցությունն ունենալու հայկական բանակի մարտունակության բարձրացմանը, Արցախյան ազատամարտին աջակցությանը, պատերազմի հետեւանքների վերացմանը»,- ասված է միության տարածած հայտարարության մեջ:
11:17 | 07.04.16 |
Նորություններ
Հնդկաստանի ԱԳ փոխնախարարն այցելել է Հայ-հնդկական ՏՀՏ գերազանցության կենտրոն
09:16 | 07.04.16 |
Նորություններ
Facebook Live-ը հասանելի է դառնում բոլորին
