ՀՀ վարչապետ Հովիկ Աբրահամյանն այսօր այցելել է «ԱրմԹաբ» պլանշետների, «Արմֆոն» հեռախոսների արտադրությամբ եւ գիտահետազոտական ծրագրերի մշակմամբ զբաղվող «Թեքնոլոջի ընդ Սայնս Դայնամիքս» ընկերություն:
Ինչպես հաղորդում են ՀՀ կառավարության մամուլի ծառայությունից, վարչապետը ծանոթացել է արտադրական գործընթացներին եւ առաջիկա ծրագրերին: Նշվել է, որ որակի առումով պլանշետները ոչնչով չեն զիջում համաշխարհային հայտնի ապրանքանիշերին: Դրանք համալրված են ժամանակակից համակարգերով եւ ծրագրերով, իսկ գնային առումով ավելի մատչելի են:
Ներկայում ընկերության արտադրանքն իրացվում է ինչպես ՀՀ-ում, այնպես էլ արտերկրում: Վարչապետի այցի ընթացքում նշվել է, որ բանակցություններ են վարվում կապի եւ հեռահաղորդակցության ոլորտում գործող հայաստանյան ընկերությունների հետ՝ արտադրանքը մանրածախ շուկայում իրացնելու նպատակով:
«Թեքնոլոջի ընդ Սայնս Դայնամիքս»-ն անցած տարի հայաստանյան դպրոցներին է տրամադրել 700 պլանշետ, այս տարի եւս ծրագիրը կշարունակվի:
Վարչապետը կարեւորել է ընկերության գործունեությունը եւ նշել, որ այն հաջողությամբ զարգանում է եւ ունի մեծ ապագա: Նրա խոսքով՝ կառավարությունը շարունակելու է աջակցել մեծ ներուժ ունեցող ՏՏ ոլորտին՝ համարելով այն գերակայություն:
Հովիկ Աբրահամյանը նաեւ ասել է, որ ՀՀ էկոնոմիկայի նախարարությանը հանձնարարել է ոլորտի յուրաքանչյուր ծրագիր դարձնել քննարկման առարկա եւ անհրաժեշտության դեպքում ցուցաբերել շարունակական օժանդակություն:
«Թեքնոլոջի ընդ Սայնս Դայնամիքս»-ը համագործակցում է օտարերկրյա մի շարք գործընկերների հետ: Ընկերությունը ներկայում ունի 117 աշխատող:
«ԱրմԹաբ» գործարանի մասին պատմող Itel.am-ի ֆոտոշարքին կարող եք ծանոթանալ այստեղ:
06:45 | 15.03.16 |
Նորություններ
Beeline-ը թվայնացնում է ֆիքսված կապը Կոտայքի մարզում
12:22 | 14.03.16 |
Նորություններ
Beeline-ի աջակցությամբ երիտասարդները կհիմնեն սեփական բիզնեսը
