Գործարկվել է հայկական «Ռակետա» խաղը, որը հասանելի է App Store-ում եւ Google Play-ում:
Այն ստեղծվել է «Փախիր կամ Ամուսնացիր» ֆիլմի սցենարի հիման վրա եւ մշակվել Rise of Garuda թիմի կողմից:
Խաղի հիմքում ընկած է հետեւյալ սցենարը:
70-ականներին Արշավիր Խոջոյանը, որը դիզայներ-ինժեներ էր աշխատում Երեւանի ավտոմոբիլային գործարանում (ԵրԱԶ), մշակել էր առաջին հայկական սեդան մեքենայի կոնցեպտը եւ ստեղծել դրանից մեկ մոդել՝ անվանելով այն «ԵրԱԶ Ռակետա»: Մոսկվան, սակայն, չէր հաստատել մեքենայի արտադրությունը, քանի որ այն չափից ավելի շքեղ էր ԽՍՀՄ ապրելակերպի համար: Մեքենան, սակայն պահպանվել է, եւ Աղասիկ Խոջոյանն այն ժառանգել է հորից:
Խաղի ընթացքում պետք է օգնել Աղասիկին փախչել հետապնդումից եւ փրկել նորահարսին:
Հաղթելու համար պետք է շատ խոչընդոտներ հաղթահարել: Մեքենան պետք է վարել Հայաստանի ճանապարհներով, անցնել մի շարք խոչընդոտներ, հավաքել միավորներ եւ բոնուսներ:
Ստացված արդյուքներով կարելի է կիսվել ընկերների հետ՝ Facebook-ում:
Ի դեպ, խաղում հնչում է Մկրտիչ Արզումանյանի ձայնը եւ «Փախիր կամ Ամուսնացիր» ֆիլմի սաունդթրեքը:
