Այսօր Դիլիջանում մեկնարկել է Բիզնես ինովացիոն երկօրյա ֆորումը, որն անցկացվում է «Հայաստան 20.18-2018թ.՝ Հայաստանը 20 ամենանորարար երկրների շարքում» խորագրի ներքո:
ՀՀ փոխվարչապետ Վաչե Գաբրիելյանն ասել է, որ պետության խնդիրն է առաջարկել երկրում ՏՏ ոլորտի խթանման ծրագրեր ու մարտավարություններ, սակայն ձեռներեցները նույնպես պետք է ակտիվ լինեն եւ ներդրում կատարեն ոլորտի զարգացման գործում:
«Հայաստանը գլոբալ ինովացիոն ինդեքսում 61-րդ տեղն է զբաղեցնում: Այս վարկանիշը պայմանավորվում է 79 տարբեր ինդիկատորների միջոցով, որոնք խմբավորված են 7 ուղղությունների մեջ: Մենք ավելի լավ վիճակում ենք գիտելիքի ու տեխնոլոգիաների արտադրության առումով եւ շատ ավելի վատ վիճակում ենք մարդկային կապիտալի ու գիտահետազոտական ոլորտներում»,- իր հերթին ասել է ԻՏՁՄ փոխտնօրեն Հայկ Չոբանյանը:
Ֆորումի հիմնական խոսնակը Իսրայելի Թել Ավիվի համալսարանի StartTau Ձեռներեցության կենտրոնի գործադիր տնօրեն Ելենա Դոնեթսն է:
«Ինովացիոն երկրների սանդղակում Իսրայելը նախկինում ցածր դիրք էր գրավում: Բայց այսօր Իսրայելը Սիլիկոնյան հովտից հետո համարվում է հաջորդ բարենպաստ վայրը ստարտափեր ստեղծելու համար»,- ասել է իսրայելցի ձեռներեցը՝ կոչ անելով չվախենալ ձախողումներից:
Ֆորումը հովանավորում են BetConstruct ընկերությունն ու «Հայաստանի զարգացման նախաձեռնություններ» հիմնադրամը (IDeA):
Կարող եք կարդալ նաեւ Itel.am-ի բացառիկ հարցազրույցը Ելենա Դոնեթսի հետ:
16:09 | 13.11.15 |
Նորություններ
Հատուկ պայմաններով վարկեր Յունիբանկից՝ Beeline գաջեթների ձեռքբերման համար
14:07 | 13.11.15 |
Նորություններ
ՎիվաՍել-ՄՏՍ-ի աջակցությամբ մեկնարկել է ՄՌԿ չորրորդ համաժողովը
