18:00 | 26.05.15 | Նորություններ | 3970
«Ռոստելեկոմ»-ը Հայաստանում ամփոփել է լրագրողական մրցույթի արդյունքները
«Ռոստելեկոմ»-ի՝ Երեւանի կենտրոնում տեղակայված գրասենյակում այսօր ամփոփվել են լրագրողների շրջանում անցկացված՝ «Տեխնոլոգիաներ կյանքի համար-Ինտերնետ լույսի արագությամբ» խորագիրը կրող մրցույթի արդյունքները։
Հաղթող է ճանաչվել հեռուստալրագրող Հայկուհի Ասատրյանը։
Ընկերությունում նշել են, որ մրցույթը ռուսաստանյան լրագրողների շրջանում շուրջ չորս տարվա պատմություն ունի, եւ հայաստանյան լրագրողների մասնակցությունը մրցույթին հաղորդել է միջազգային կարգավիճակ։ Հայաստանում այն մեկնարկել է 2014թ․ դեկտեմբերին։
Միջոցառման ընթացքում ամփոփելով արդյունքները՝ ՋԻԷՆՍԻ-ԱԼՖԱ ՓԲԸ-ի գլխավոր տնօրեն Հայկ Ֆարամազյանն ընդգծել է ՏՏ ոլորտի մասին հանրությանն իրազեկման կարեւորությունն ու պրոֆեսիոնալիզմի բարձր մակարդակը, որ դրսեւորում են հայաստանյան լրագրողներն այս հարցում։
Նա մրցանակներ եւ պատվոգրեր է հանձնել բոլոր մասնակիցներին:
Հաղթողը համառուսաստանյան մրցույթի մյուս մասնակիցների հետ միասին հունիսին կայցելի Մոսկվա, որտեղ կհայտարարվեն նաեւ աշնանը Չինաստան մեկնող ռուսաստանյան լրագրողների անունները։
Աշնանը հաղթող լրագրողների պատվիրակությունը կայցելի Չինաստանի Շենչժեն քաղաքում Huawei ընկերության գլխամաս։
16:59 | 26.05.15 |
Նորություններ
«Դ-Լինկ»-ը Beeline-ին ճանաչել է ամենահաճախորդամետ ընկերություն
12:07 | 26.05.15 |
Նորություններ
Գյումրիում բացվել է «Դ-Լինկ»-ի հետազոտական կենտրոնը
