Facebook-ը կպայքարի կեղծ տեղեկատվության դեմ

Facebook-ը նոր արշավ է սկսել, որն ուղղված է սոցիալական ցանցում կեղծ նորությունների տարածման դեմ:

Այդ նպատակով, հունվարի 20-ին սոցիալական ցանցն օգտատերերին առաջարկել է հատուկ «դրոշակների» միջոցով հայտնել չստուգված տեղեկատվության մասին:

Ըստ Facebook-ի պաշտոնական բլոգում տեղադրված հայտարարության՝ բոլոր օգտատերերը հնարավորություն են ստանում կեղծ նորություններ պարունակող հղումների դիմաց «դրոշակներ» տեղադրել՝ սոցցանցին տեղեկացնելով դրանց բովանդակության մասին:

Այդուհանդերձ, Facebook-ը չի նախատեսում կեղծ տեղեկատվությունը մեկընդմիշտ հեռացնել սոցցանցից: Նման կարգի լուրերն ուղղակի «հաշվի կառնվեն»:

«Մեծ թվով օգտատերերի կողմից կեղծ որակվող լուրերն ուղղակի կսահմանափակվեն՝ նորությունների ժապավենում տարածման տեսանկյունից»,- նշել են Facebook-ում: