ՀՀ էկոնոմիկայի նախարար Կարեն Ճշմարիտյանը
photo © Photolure

344 գյուղական համայնքներ ապահովվել են wi-fi կապով

Հայաստանի գյուղական բնակավայրերում ինտերնետի հասանելիության ապահովման նպատակով հեռավոր, սահմանամերձ եւ բարձր լեռնային մինչեւ 1000 բնակիչ ունեցող շուրջ 344 գյուղական համայնքներում իրականացվել է անլար ինտերնետ սարքավորումների` wi-fi-ի տեղադրման ծրագիր:

Այս մասին այսօր հրավիրած ասուլիսի ժամանակ ասել է ՀՀ էկոնոմիկայի նախարար Կարեն Ճշմարիտյանը:

Ձեռնարկությունների ինկուբատոր հիմնադրամի ծրագրերի ղեկավար Ժենյա Ազիզյանը Մեդիամաքս-ի հետ զրույցում նշել է, որ նախագիծը կյանքի է կոչվել եւ մասն է կազմում Համաշխարհային բանկի ֆինանսավորմամբ իրականացվող «Էլեկտրոնային հասարակություն եւ մրցունակության համար նորարարությունների ծրագրին»:

«Wi-fi սարքավորումները ներկրել է «Հարմոնիա» ընկերությունը: Դրանք աշխատում են 3G հիմքով: Նախագծի իրականացման համար օպերատորների միջեւ մրցույթ չի հայտարարվել: Համայնքներում փորձարկվել են բջջային օպերատորների 3G քարտերը, եւ յուրաքանչյուր համայնքում ընտրվել են տվյալ տարածքում լավագույն ծածկույթ ապահովող օպերատորները»,-ասել է Ժենյա Ազիզյանը: