Ռոստելեկոմն ամփոփել է Հայաստանում 2014 թ. գործունեության արդյունքները:
«2014 թվականը բավական արդյունավետ եւ բեղմնավոր տարի է եղել Ռոստելեկոմի համար: Բացի բաժանորդների քանակի զգալի աճից, ընկերությունը բավական լուրջ քայլեր է ձեռնարկել հաճախորդների սպասարկման բարելավման ուղղությամբ՝ ընդլայնվել է վաճառքի եւ սպասարկման սրահների, վաճառակետերի ցանցը, ներկայացել ենք նաեւ Երեւանի կենտրոնում, իսկ ամենակարեւորը՝ ընդլայնվել են վճարումների ընդունման հնարավորությունները՝ տերմինալներից մինչեւ բանկեր: Կարող եմ փաստել, որ 2015թ.-ն Ռոստելեկոմը մուտք է գործում վստահ եւ հեռանկարային ծրագրերով», - մամուլի ասուլիսի ընթացքում նշել է ՋԻԷՆՍԻ-ԱԼՖԱ ՓԲԸ գլխավոր տնօրեն Հայկ Ֆարամազյանը:
Ընկերության ծառայություններն արդեն հասանելի են 19 քաղաքներում՝ Երեւան (9 վարչական շրջաններով), Աբովյան, Չարենցավան, Հրազդան, Վանաձոր, Գյումրի, Աշտարակ, Մեծամոր, Արմավիր, Մասիս, Արտաշատ, Արարատ, Սեւան, Դիլիջան, Իջեւան, Կապան, Մարտունի, Ալավերդի եւ Քաջարան:
2014թ. Ռոստելեկոմը Երեւանում կառուցել է 40Գբ/վ արագությամբ շղթա:
Ընկերությունը 2014 թվականն ամփոփում է շուրջ 26.000 բաժանորդներով:
2014թ. Ռոստելեկոմի կողմից Հայաստանում իրականացվել են շուրջ 3 մլրդ ՀՀ դրամին համարժեք ներդրումներ:
13:14 | 24.12.14 |
Նորություններ
Beeline-ը գործարկել է «Ռոումինգում`0» ծառայությունը
