12:16 | 19.11.13 | Նորություններ | 3743
Orange Հիմնադրամի աջակցությամբ բացվել են համակարգչային սրահներ եւ մարզադահլիճներ
Orange Հիմնադրամի աջակցությամբ այս շաբաթ Սյունիքի եւ Վայոց Ձորի մարզերում իրականացվել են մի շարք ծրագրեր` Մարտիրոս եւ Շաղատ գյուղերում բացվել են համակարգչային սրահներ, իսկ Անգեղակոթ գյուղում կահավորվել է գյուղի դպրոցի մարզադահլիճը:
7 համակարգիչների, տպիչի եւ Orange MyFi երթուղիչի շնորհիվ յուրաքանչյուր համակարգչային սրահում տեղի բնակիչների համար կկազմակերպվեն համակարգչային դասընթացներ: Երկու սրահների ստեղծման համար Orange-ն ընդհանուր առմամբ տրամադրել է 4.7 միլիոն դրամ:
Orange Հիմնադրամը ֆինանսավորել է նաեւ Անգեղակոթ գյուղի դպրոցի մարզադահլիճի կահավորման աշխատանքները: Մարզադահլիճը կծառայի ոչ միայն դպրոցի երեխաներին, այլեւ Անգեղակոթ գյուղի այլ բնակիչներին՝ տարբեր մարզական իրադարձություններ եւ մրցույթներ կազմակերպելու նպատակով:
Մարզադահլիճի կահավորման համար Orange-ը տրամադրել է 2.9 միլիոն դրամ:
«Orange-ը մեծ ջանքեր է գործադրել, որպեսզի Հայաստանում կառուցի գերժամանակակից ցանց եւ ժամանակակից տեխնոլոգիաները հասանելի դարձնի բոլորին: Սակայն գիտակցելով, որ դեռեւս ոչ բոլորն են կարող ունենալ սեփական համակարգիչ տանը եւ օգտվել ինտերնետից, մենք մեր պատասխանատվությունն ենք համարում օգնել այդ խոցելի խմբերին, հատկապես Հայաստանի մարզերում, որտեղ ինտերնետը նոր է սկսում դառնալ առօրյա գործիք: Մենք նաեւ ուրախ ենք աջակցել Հայաստանի համայնքների բնակիչներին հարմարավետ կահավորված մարզադահլիճներում մարզական իրադարձությունների եւ կրթական գործընթացների կազմակերպման հարցում», - ասաց Orange Արմենիայի գլխավոր տնօրեն եւ Orange Հիմնադրամի խորհրդի նախագահ Ֆրանսիս Ժելիբտերը:
Գյուղական համայնքներում Orange Հիմնադրամի աջակցությամբ արդեն կահավորվել են թվով 11 մարզադահլիճներ:
11:03 | 19.11.13 |
Նորություններ
Հայտնի են Հայաստանում StartUp Cup մրցույթի հաղթողները
15:56 | 18.11.13 |
Նորություններ
Orange Հիմնադրամը կրթաթոշակներ տրամադրեց 34 ուսանողների
