14:06 | 18.07.13 | Նորություններ | 1030

    Առաջին ազատ տնտեսական գոտին կգործի օգոստոսի 1-ից

    ՀՀ կառավարությունն այսօրվա նիստում ազատ տնտեսական գոտու կազմակերպիչ է ճանաչել «Սիտրոնիկս Արմենիա» փակ բաժնետիրական ընկերությանը:

    ՀՀ էկոնոմիկայի նախարար Վահրամ Աթանեսյանը տեղեկացրել է, որ ազատ տնտեսական գոտին կգործի  «ՌԱՕ ՄԱՐՍ» եւ «ԵրՄՄԳՀԻ» («Մերգելյան ինստիտուտ») ընկերությունների տարածքում:

    Ազատ տնտեսական գոտում գործելու իրավունք կունենան արտադրաարդյունաբերական եւ տեխնիկակիրառական էլեկտրոնիկայի, ճշգրիտ ինժեներիայի, դեղագործության եւ բիոտեխնոլոգիայի, տեղեկատվական տեխնոլոգիաների, այլընտրանքային էներգետիկայի, արտադրական դիզայնի եւ հեռահաղորդակցության ոլորտներում գործունեություն ծավալող ընկերությունները:

    Ազատ տնտեսական գոտու  գործունեության ժամկետը 10 տարի է: