Երեւան: Մեդիամաքս: Հայաստանի պետական ճարտարագիտական համալսարանի (ՀՊՃՀ) տարածքում կստեղծվի Հայկական ազգային ճարտարագիտական լաբորատորիա, որը կընդգրկի համալսարանի 6 հիմնական ուղղությունները ներկայացնող 30 լաբորատորիաներ:
Ինչպես հաղորդում է Մեդիամաքս-ը, այսօր ՀՀ կրթության եւ գիտության նախարարության, Հայաստանում ԱՄՆ դեսպանատան, ԱՄՆ ՄԶԳ ու Հայաստանի պետական ճարտարագիտական համալսարանի միջեւ հուշագիր է ստորագրվել Հայկական ազգային ճարտարագիտական լաբորատորիայի հիմնադրման վերաբերյալ:
ՀՀ կրթության եւ գիտության նախարար Արմեն Աշոտյանն ասել է, որ շուրջ $6 մլն-ի արժողությամբ ծրագիրը կիրականացվի 2-3 տարիների ընթացքում:
Նախարարի խոսքով, ներդրումների կեսը ապահովելու են «ամերիկյան գործընկերները», 20%՝ ՀՀ կառավարությունը, 10%՝ ՀՊՃՀ-ն, մնացածը՝ National Instruments ընկերությունը, որը նաեւ տեխնիկական աջակցություն կցուցաբերի:
Հայաստանում ԱՄՆ դեսպան Ջոն Հեֆերնն իր հերթին ասել է, որ լաբորատորիայի ստեղծումը հնարավորություն կընձեռի Հայաստանում ձեւավորել այդ ոլորտին անհրաժեշտ ուժը:
«Հայաստանը ՏՏ ոլորտում մրցակցային հնարավորություններ ունի, մենք համագործակցում ենք տարբեր օղակների հետ՝ այս ոլորտում կարողությունները զարգացման համար», - ասել է դեսպանը:
11:01 | 04.05.12 |
Նորություններ
Երեւանում կանցկացվի էլեկտրոնիկայի միջազգային համաժողով
18:19 | 03.05.12 |
Նորություններ
Երեւանում կանցնի Microsoft Exchange Server 2010 թեմայով սեմինար
