ՎիվաՍել-ՄՏՍ-ը նոր բաժանորդներին առաջարկում է 2 ամիս անվճար ինտերնետ

Երեւան/Մեդիամաքս/. Մարտի 8-ից ապրիլի 7-ը, առնվազն 1 տարով բաժանորդագրվելով ՎիվաՍել-ՄՏՍ-ի «ՄՏՍ կոնեկտ անսահմանափակ» կամ «ՄՏՍ կոնեկտ անսահմանափակ+» սակագնային պլանին, բաժանորդները կարող են մարտ և ապրիլ ամիսներին անվճար օգտվել անսահմանափակ ինտերնետից:

Բացի այդ, ակցիայի շրջանակներում մինչև 21.6 Մբիթ/վրկ ներբեռնման և մինչև 5.76 Մբիթ/վրկ վերբեռնման արագություն ապահովող «ՄՏՍ կոնեկտ E353» USB մոդեմը նույնպես տրամադրվում է բոլորովին անվճար, հայտնել են ՎիվաՍել-ՄՏՍ-ում: