Google-ը գործարկել է Chrome-ի շարժական տարբերակը Android-սարքերի համար

Երեւան/Մեդիամաքս/. Google ընկերությունը բետա-փորձարկման ռեժիմում գործարկել  է Chrome բրաուզերի շարժական տարբերակը Android 4.0-ի հիման վրա աշխատող սմարթֆոնների եւ պլանշետների համար, հաղորդում է ՌԻԱ Նովոստին` վկայակոչելով Google-ի կորպորատիվ բլոգը:

Բրաուզերը հնարավոր է ներբեռնել Google Android Market-ից:

Ինչպես եւ հիմնական տարբերակի դեպքում, Chrome-ի շարժական տարբերակը ապահովում է հարմարավետ գրանցում եւ սինխրոնիզացիա, ինչը բրաուզերի անհատականացման հնարավորություն է տալիս:  Google-ը բջջային սարքերի տերերին առաջարկում է նաեւ հարմարեցնել գաղտնիության կարգավորումները: