16:11 | 21.11.11 | Նորություններ | 4959
Orange-ի օգնությամբ կահավորվել են Մալիշկա եւ Դավիթ Բեկ գյուղերի մարզասրահները
Երեւան/Մեդիամաքս/. Orange Հիմնադրամը եւ «Շեն» բարեգործական հասարակական կազմակերպությունը շարունակում են Հայաստանի հեռավոր համայնքների զարգացմանն ուղղված բարեգործական ծրագրի իրականացումը:
Բարեգործական ծրագրերի շրջանակներում բացվել են երկու մարզադահլիճներ Հայաստանի հարավային մարզերում` մեկը Դավիթ Բեկ գյուղում (Սյունիք), իսկ մյուսը` Մալիշկա գյուղում (Վայոց Ձոր): Երկու մարզադահլիճներն էլ նախատեսված են ոչ միայն դպրոցականների, այլ ամբողջ համայնքի համար, ինչը թույլ ստեղծել տարբեր սպորտային խմբակներ եւ միջոցառումներ:
«Orange Հիմնադրամն իր ուշադրության կենտրոնում է պահում այն խնդիրները, որոնք վերաբերում են երեխաներին եւ խոցելի գյուղական համայնքներին, եւ սրանք առաջին մարզադահլիճները չեն, որոնց բացմանը մենք աջակցում ենք Հայաստանի մարզերում: Մալիշկան ունի նշանակալից սպորտային ավանդույթներ, իսկ մարզադահլիճի առկայությունը չափազանց կարեւոր է դրանք պահպանելու համար», ասել է Orange Հիմնադրամի հոգաբարձուների խորհրդի նախագահ Բրունո Դյութուան:
Երկու ծրագրերի իրականացման համար Orange-ն ընդհանուր առմամբ տրամադրել է ավելի քան 8 միլիոն դրամ:
Ավելի վաղ Orange-ի աջակցությամբ մարզադահլիճներ էին բացվել Մարմաշենում (Շիրակ), Ջուջեւանում եւ Նոյեմբերյանում (Տավուշ):
13:27 | 21.11.11 |
Նորություններ
Երեւանում բացվել է ինտերնետ-կենտրոն`տեսողության խնդիրներ ունեցող մարդկանց համար
10:05 | 21.11.11 |
Նորություններ
Windows Phone Marketplace ունի ավելի քան 40 հազ. հավելում
