-
Ամերիկյան National Instruments ընկերության նախագահ եւ գլխավոր տնօրեն Ջեյմս Թրուշարդ
09:53 | 11.11.11 | Նորություններ | 2124
Հայաստանը պատրաստ է խորացնել համագործակցությունը National Instruments-ի հետ
Երեւան: Մեդիամաքս: Հայաստանը պատրաստ է խորացնել համագործակցությունը National Instruments ընկերության հետ:
Այս մասին ասել է ՀՀ վարչապետ Տիգրան Սարգսյանը, ընդունելով ամերիկյան National Instruments ընկերության նախագահ եւ գլխավոր տնօրեն Ջեյմս Թրուշարդին:
Բարձր գնահատելով Հայաստանում National Instruments-ի իրականացրած ծրագրերը՝ վարչապետն ընդգծել է, որ վերջին շրջանում կապերը ամրապնդվել են:
Ջեյմս Թրուշարդը նշել է, որ տպավորված է ՏՏ ոլորտում Հայաստանի վարած քաղաքականությամբ: Նա ասել է, որ այն լուրջ ազդեցություն կարող է թողնել համաշխարհային տնտեսության մեջ Հայաստանի դերակատարության բարձրացման գործում:
Կողմերը քննարկել են Հայաստանի պետական ճարտարագիտական համալսարանում արդիական ճարտարագիտական ուսումնական
լաբորատորիաների հիմնմանը եւ դրանք բարձրակարգ սարքավորումներով համալրելուն, ինչպես նաեւ Գյումրու տեխնոպարկում National Instruments-ի հնարավոր գործունեությանը վերաբերող հարցեր:
