Ucom ընկերությունը ներկրվող սարքավորումների ԱԱՀ-ի վճարումը հետաձգելու թույլտվություն է ստացել

Երեւան /Մեդիամաքս/. ՀՀ կառավարությունն այսօր որոշում է կայացրել Ucom ընկերության կողմից 300 մլն դրամից ավել արժեք ունեցող ներկրվող սարքավորումների ավելացված արժեքի հարկի /ԱԱՀ/ վճարման ժամկետը 3 տարով հետաձգելու մասին:

Ինչպես այսօր կառավարության նիստում տեղեկացրել է ՀՀ էկոնոմիկայի նախարար Ներսես Երիցյանը, որոշումը կայացվել է կառավարության հակաճգնաժամային միջոցառումների շրջանակներում, որոնք ուղղված են խոշոր ներդրողներին օժանդակելուն:

Էկոնոմիկայի նախարարը նշել է, որ Ucom ընկերությունը գործում է ինտերնետային ծառայությունների շուկայում, եւ այդ որոշումը կնպաստի երկրում ինտերնետի զարգացմանը: