CES 2026. Nvidia-ի նորարարություններից մինչեւ AMD-ի չիպերն ու Razer-ի AI տարօրինակությունները

CES 2026 ցուցահանդեսը Լաս Վեգասում եռում է․ ինչպես վերջին երկու տարիներին, այս անգամ եւս CES-ի գլխավոր թեման արհեստական բանականությունն է։ Միջոցառման ավանդական հիթերը, սակայն, նոր սարքավորումներն ու տարօրինակ գաջեթներն են։

Ներկայացնում ենք ամենախոշոր հայտարարություններն ու անակնկալները։

Nvidia․ AI մոդել ինքնավար մեքենաների համար եւ Rubin ճարտարապետություն

Nvidia-ի գլխավոր տնօրեն Ջենսեն Հուանգը հանդես է եկել երկար ելույթով՝ ընդգծելով ընկերության AI հաջողությունները եւ ներկայացնելով 2026 թվականի ռազմավարական ուղղությունները։

Ընկերությունը ցուցադրել է Rubin հաշվարկային ճարտարապետությունը, որը նախատեսված է AI-ի աճող պահանջները բավարարելու համար։ Այն տարվա երկրորդ կեսին կսկսի փոխարինել Blackwell-ին՝ առաջարկելով արագության եւ պահեստավորման բարելավումներ։



Բացի այդ, Nvidia-ն ներկայացրել է Alpamayo բաց կոդով AI մոդելների ընտանիքը, որը նախատեսված է ինքնավար մեքենաների համար։ Սա համապատասխանում է ընկերության նպատակին՝ իր ենթակառուցվածքը դարձնել «Android» համընդհանուր ռոբոտների համար։

AMD․ նոր պրոցեսորներ եւ ռազմավարական գործընկերություններ

AMD-ի ղեկավար Լիզա Սուն CES-ի իր ելույթում ներկայացրել է ընկերության նոր ուղղությունները՝ OpenAI-ի նախագահ Գրեգ Բրոքմանի, AI առաջատար Ֆեյ-Ֆեյ Լիի եւ Luma AI-ի ղեկավար Ամիտ Ջեյնի մասնակցությամբ։



Ներկայացվել է Ryzen AI 400 պրոցեսորների շարքը, որով AMD ընկերությունը ցանկանում է AI-ն ավելի հասանելի դարձնել անհատական համակարգիչներում։

Boston Dynamics եւ Google․ համագործակցություն Atlas ռոբոտների շուրջ

Hyundai-ն հայտարարել է, որ Boston Dynamics-ը համագործակցում է Google-ի AI լաբորատորիայի հետ՝ Atlas ռոբոտների ուսուցման եւ կառավարման համար։ Ցուցադրվել է նաեւ Atlas-ի նոր տարբերակը։



Amazon․ Alexa+ եւ Ring-ի ընդլայնում

Amazon-ը մեծ շեշտադրում է անում Alexa+ AI օգնականի վրա՝ գործարկելով Alexa.com կայքը եւ նորացված բջջային հավելվածը նախնական հասանելիություն ապահովելով օգտատերերի համար։

Բացի այդ, ընկերությունը ներկայացրել է Fire TV-ի թարմացումներ եւ նոր Artline հեռուստացույցներ, ինչպես նաեւ Ring-ի նոր հնարավորություններ՝ հրդեհային ահազանգերից մինչեւ երրորդ կողմի տեսախցիկների ինտեգրման հավելվածների խանութ։

Synopsys. AI-ով եւ ծրագրային ապահովմամբ ավտոմոբիլային ճարտարագիտություն

Synopsys-ը հայտարարել է ավտոարտադրողներին հնարավորություն ընձեռող նոր հնարավորությունների մասին, որոնք թույլ կտան վիրտուալացնել մեքենաների սիլիկոնից մինչեւ համակարգ նախագծումը, փորձարկումը, ինտեգրումը, մոդելավորումը եւ վերլուծությունը: Ընկերութունը հայտարարել է նոր համագործակցության մասին՝ Ավտոմոբիլային միջազգային ֆեդերացիայի (FIA) հետ՝ միատեղանի ավտոմեքենաների անվտանգության չափանիշները բարելավելու համար, ինչպես նաեւ նոր Virtualizer մշակողների հավաքածուների մասին Texas Instruments-ի եւ NXP Semiconductor-ի ամենաթարմ ավտոմոբիլային SoC-ների համար։

Synopsys-ի տարածած հաղարդագրության մեջ ներկայացվել են Synopsys-ի ինը գործընկեր եւ հաճախորդ, այդ թվում՝ Arm, Audi, FIA, NXP, Samsung եւ TI, որոնք արտացոլում էին Synopsys-ի դերը համաշխարհային ավտոմոբիլային էկոհամակարգում։

Synopsys-ի Նախագահ եւ գլխավոր գործադիր տնօրեն Սասին Ղազին FOX Business-ի հետ ուղիղ եթերում տված հարցազրույցում խոսել է այն մասին, թե ինչպես են արհեստական բանականությունից մինչեւ թվային նախատիպերի տեխնոլոգիական առաջընթացները խոստանում վերափոխել մեքենաների նախագծման եղանակը:

Razer․ Project AVA եւ Motoko

Razer-ը, որը նախկինում հայտնի էր իր էքսցենտրիկ սարքերով, այս տարի ներկայացրել է երկու AI նախագիծ՝ Project Motoko-ն, որը խելացի ակնոցների նման գործառույթներ ունի, բայց առանց ակնոցի։



Երկրորդը՝ Project AVA-ն է, որը սեղանի վրա տեղադրվող AI ուղեկից-ավատար։



Lego․ առաջին անգամ CES-ում

Lego-ն այս տարի առաջին անգամ մասնակցել է CES-ին՝ փակ ցուցադրությամբ ներկայացնելով Smart Play System համակարգը։ Այն ներառում է ինտերակտիվ աղյուսներ, ֆիգուրներ եւ ձայնային էֆեկտներ։ Առաջին հավաքածուները նվիրված են Star Wars-ին։