Triple S-ը ներդրում է կատարել Sparxell ստարտափում

Triple S վենչուրային ընկերությունը 150,000 ԱՄՆ դոլար ներդրում է կատարել բարձր արդյունավետության ամբողջովին կենսաքայքայվող գունանյութերի մշակման ոլորտում առաջատար հանդիսացող Sparxell ստարտափում:

Triple S վենչուրային ընկերությունը ուրախ է հայտարարել իր վերջին ներդրման մասին Sparxell-ում՝ Մեծ Բրիտանիայում հիմնված նորարարական ստարտափում: Քեմբրիջի գիտնականների կողմից հիմնադրված Sparxell-ը հեղափոխում է պիգմենտային արդյունաբերությունը՝ բջջանյութից ստեղծելով լիովին կենսաքայքայվող, ոչ թունավոր, բարձր արդյունավետության գունանյութեր:

Ստեղծված լինելով գերժամանակակից հետազոտությունների հիման վրա՝ Sparxell-ն արդեն զգալի առաջընթաց է գրանցել շուկայում՝ իրականացնելով փորձնական նախագծեր հեղինակավոր ընկերությունների հետ, ինչպիսիք են LVMH-ը, Chanel-ը եւ L'Oréal-ը: Այս համագործակցություններն ընդգծում են Sparxell-ի կայուն գունանյութերի բացառիկ որակն ու ներուժը, որոնք գալիս են փոխակերպելու արդյունաբերությունը` նորաձեւությունից մինչեւ կոսմետիկա:

Triple S վենչուրային ընկերության ներդրումները Sparxell-ին հնարավորություն կտան ընդլայնել գործունեությունը, բարելավել հետազոտության եւ զարգացման հնարավորությունները եւ մեծացնել շուկայի հասանելիությունը: Ֆինանսավորման այս փուլը ներառում է նաեւ այլ նշանավոր ներդրողների, այդ թվում` Future Communities Capital-ի մասնակցությունը:

«Մենք ոգեւորված ենք Sparxell-ին աջակցելու իրենց առաքելության մեջ՝ շուկա բերելու կայուն եւ էկոլոգիապես մաքուր լուծումներ: Մենք հավատում ենք, որ Sparxell-ի կարող է դառնալ կայուն նյութերի արդյունաբերության առաջատարը», - ասել է Triple S վենչուրային ընկերության համահիմնադիր, կառավարող գործընկեր Ավագ Սիմոնյանը:

Sparxell-ի նորարարական պիգմենտներն առաջարկում են կայուն այլընտրանք ավանդական բջջանյութային գունանյութերին, որոնք հաճախ պարունակում են վնասակար քիմիական նյութեր եւ հանգեցնում շրջակա միջավայրի աղտոտման: Օգտագործելով բնական եւ վերականգնվող ռեսուրս հանդիսացող բջջանյութը՝ Sparxell-ի գունանյութերը ոչ միայն անվտանգ են շրջակա միջավայրի համար, այլեւ բացառիկ արդյունավետություն են հաղորդում գունային կենսունակության եւ երկարակեցության առումով:

Sparxell-ի եւ կենսաքայքայվող պիգմենտների ոլորտում նրանց առաջատար աշխատանքի մասին լրացուցիչ տեղեկությունների համար այցելեք http://www.sparxell.com: