AICA-ն ներդրում է կատարել հայկական Optimyzee-ում

Հայաստանի հրեշտակ ներդրողների ակումբը (AICA) հայտարարել է հայկական Optimyzee ստարտափում ներդրում կատարելու մասին։

Optimyzee-ն թույլ է տալիս ձեռնարկություններին ստեղծել եւ գործարկել Google-ի որոնողական ծախսարդյունավետ արշավներ զրոյից: Օգտագործելով ավելի քան 10 հազար գովազդային արշավից ստացված տվյալները եւ 10 միլիոն դոլարը գերազանցող գումարային գովազդի բյուջեն` Optimyzee-ն առաջարկում է արհեստական բանականության ինտեգրումով  գովազդային գործընթացը պարզեցնել եւ օպտիմալացնել:

Ներկայում ավելի քան 600 ընկերություն եւ ստարտափ օգտագործում են Optimyzee-ի մշակումը՝ կատարելով Google Ads-ի ծախսերի զգալի խնայողություն:

Նախկինում ստարտափը ներդրում է ստացել նաեւ Triple S Ventures-ից։