500 Global Accelerator-ն ընդունում է հայտեր հայկական ստարտափներից

500 Global Accelerator ծրագիրը ընդունում է հայտեր Արեւելյան Եվրոպայի, Կովկասի եւ Կենտրոնական Ասիայի տարածաշրջանում գործող սաղմնային փուլում գտնվող ստարտափներից։

500 Global Accelerator 12-շաբաթյա անվճար ուսման ներդրումային ծրագիրը համատեղում է ինչպես անհատական, այնպես էլ վիրտուալ բաղադրիչներ ու առաջարկում վաղ փուլի ստարտափներին անհատականացված մենտորություն, աճի վրա հիմնված մշակում, համաշխարհային ցանցի հասանելիություն եւ ֆինանսավորում ստանալու հնարավորություն:

Աքսելերատորի 6-րդ շրջափուլում ընդգրկվելու համար հարկավոր է դիմել մինչեւ փետրվարի 23-ը՝ այստեղ։  

Փետրվարի 8-ին 500 Global-ի գործընկեր Պեդրո Վիեյրայի հետ նախատեսված է տեղեկատվական հանդիպում՝ Վրաստանում 500 Global Accelerator ծրագրի մասին ավելին իմանալու համար: Հանդիպման մանրամասները՝ այստեղ։