-
-
-
-
-
-
-
Ռալֆ Յիրիկյանը
-
Վիգեն Առուշանյանը
-
Արտավազդ Մինասյանը
-
-
-
Skill.am-ի հիմնադիր Սերգեյ Ուսնունցը
-
-
Արտյոմ Ղազարյանը
-
16:18 | 22.05.23 | Հոդվածներ | 2160
Yerevan Tech Forum 2K23. թվային փոխակերպումը, մարդիկ եւ «ինչու» հարցի դերը
Մայիսի 19-ին եւ 20-ին կայացել է ամենամյա Yerevan Tech Forum 2K23-ը, որն ունեցավ ավելի քան 1 000 մասնակից՝ մասնավոր, պետական եւ հասարակական հատվածներից:
Միջոցառման կազմակերպիչը Skill-Event Marketing Company-ն էր, իսկ գլխավոր գործընկերը Telcell վճարահաշվարկային ընկերությունը։
Yerevan Tech Forum-ը ամենամյա միջոցառում է, որը համախմբում է այն կազմակերպություններին, ընկերություններին, մասնագետներին ու պետաական կառույցներին, ովքեր ցանկանում են տեղափոխվել զարգացման հաջորդ մակարդակ։
Թվային փոխակերպումը հաջողությամբ իրականացնելու գործում առաջնորդության վճռորոշ դերի իր փորձառությամբ կիսվել է Յուքոմի գործադիր տնօրեն Ռալֆ Յիրիկյանը։
«Երբ ասում ենք՝ թվային փոխակերպում, որը երաժշտության պես հնչում է ականջի մեջ, արդյո՞ք հաշվի ենք առնում շատ կարեւոր գործոններ: Արդյո՞ք սահմանում ենք հստակ տեսլական, որի շուրջ ընկերությունը համախմբվում է, որի մասին աշխատակիցները, գործընկերները տեղյակ են, հավատում են: Եթե ուզում ենք լինել այն առաջնորդները, ովքեր առաջ կտանեն այս թվային փոխակերպումները, հմտություններ պետք է զարգացնենք, ճկուն լինենք, հին մտածելակերպից դուրս գանք»,- ասել է Ռալֆ Յիրիկյանը։
Ռալֆ Յիրիկյանը
Yerevan Tech Forum 2K23-ի ընթացքում ՏՏ ընկերությունների առաջնորդներ ներկայացրել են այնպիսի արդիական թեմաներ, ինչպիսիք են IoT համակարգերի նախագծումը, ամպային տեխնոլոգիաները, բլոկչեյնի վերջին միտումները, արհեստական բանականության դերը թվային փոխակերպման համատեքստում։
Coinplus-ի հիմնադիր եւ գործադիր տնօրեն Վիգեն Առուշանյանն ներկայացրել է այն հիմնական միտումները, որոնք կտեսնենք առաջիկայում բլոկչեյնի ոլորտում, ինչպես նաեւ NFT-ների նոր ալիքի ու փոխակերպվող կիրառությունները:
Վիգեն Առուշանյանը
Արհեստական բանականության դերի ու հատկապես ձայնային տեխնոլոգիաների մշակման, անվտանգության խնդիրների ու Krisp-ի գործունեության ու վերջին մշակումների մասին պատմել է ընկերության համահիմնադիր եւ տեխնիկական տնօրեն Արտավազդ Մինասյանը։
Արտավազդ Մինասյանը
Yerevan Tech Forum 2K23-ի տեղի ունեցավ նաեւ պանելային քննարկում փոխակերպման գործընթացում առաջնորդության դերի մասին։
«Կան թվային փոխակերպման շատ ասպեկտներ՝ հավելյալ օգուտ, նոր պրոցեսներ ու գործիքներ եւ այլն։ Սակայն այս ամենն ամբողջական է դառնում ճիշտ առաջնորդության շնորհիվ, այն կարող է ակտիվացնել այդ բոլոր ասպեկտները, որը կօգնի ընկերությանն առաջ շարժվել։ Որպես թվայնացման ծառայություն մատուցող ընկերություն, մենք գծում ենք այդ ճանապարհային քարտեզը առաջնորդի եւ թիմի համար, որն անցնելով՝ հնարավոր է հասնել վերջնակետին»,- իր խոսքում նշել է Գրիդ Դայնամիք ընկերության տվյալների եւ մեքենայական ուսուցման ճարտարագիտության տնօրեն Դմիտրի Մեժենսկին։
«Առաջնորդներն են, որ կարող են ստեղծել տեսլական, նաեւ ստեղծել ռազմավարություն, որով կարող են հասնել իրենց նպատակին։ Ամենաբարդը առաջնորդի համար այդ փոխակերպման կառավարումն է։ Մարտահրավերները հաղթահարելու ընթացքում է առաջնորդը հասկանում, թե ով ունի իր կողքին եւ ում կարող է ներգրավել այդ գործընթացում, ինչի էլ կախված է վերջնական արդյունքը»,- նշել է Սինոփսիս ընկերության մարդկային ռեսուրսների գծով տնօրեն Մարիա Պետրոսյանը։
Krisp ընկերության համահիմնադիր Դավիթ Բաղդասարյանը իր խոսքում նշել է, որ իր կարիերայի ընթացքում գրեթե միշտ աշխատել է արագ զարգացող ՏՏ ընկերություններում, որտեղ փոփոխությունները կատարվում են գրեթե ամեն օր։
«Բիզնեսում անընդհատ պետք է ձգտել արդյունավետության, ֆինանսական մասը շատ կարեւոր է։ Դրա համար պետք է ենթակառուցվածքները, աշխատակիցները, հաճախորդներին մատուցվող ծառայությունները արդյունավետ լինեն ու այդ պատճառով հարկավոր է, որպեսզի առաջնորդն անընդհատ նորարարություններ ներմուծի։ Մեր ոլորտում դա տեղի է ունենում ամեն օր։ Որպեսզի մարդիկ հետ չմնան, առաջին հերթին այդ փոխակերպումը պետք է նրանց ուղեղում լինի՝ աճի վրա կենտրոնացած մտածելակերպը»,- նշել է Դավիթ Բաղդասարյանը։
Իսկ Վեբբ Ֆոնտենի տեխնոլոգիական գծով գլխավոր տնօրեն Արա Շամիրզայանը նկատել է, որ փոխակերպումներից չվախենալը եւ տարբեր փորձարկումներ անելն ի սկզբանե կա շատ տեխնոլոգիական ընկերությունների ԴՆԹ-ում։ «Սակայն, միեւնույն է, շատ կարեւոր են մարդիկ, ովքեր զբաղվում են դրանով», - նկատել է նա:
Թումոյի տեխնոլոգիաների գծով փոխտնօրեն Հայկ Աստուրեանը ուշադրություն է հրավիրել այս համատեքստում կիբեռանվտանգության պահպանման վրա։
«Հատկապես ոչ տեխնոլոգիական ընկերությունների համար թվային ենթակառուցվածքներ տվյալները փոխանցելիս ամենամեծ ռիսկերից մեկը կիբեռ անվտանգությունն է։ Շատ կարեւոր է կենտրոնանալ կիբեռանվտանգ համակարգեր մշակելու վրա, հարկավոր է բյուջե հատկացնել այդ խնդրի համար»,- նշել է նա։
Ամերիաբանկի Տաղանդների եւ ծառայությունների գծով տնօրեն Արմինե Ղազարյանը թվային փոխակերպման գործընթացում կարեւորել է «ինչու» հարցի դերը, որի պատասխանն էլ նախանշում է հիմնական նպատակները։
Skill.am-ի հիմնադիր Սերգեյ Ուսնունցը
«Անորոշությունը կոնֆլիկտածին ու վախեցնող երեւույթ է։ Մեծ ու փոքր կազմակերպություններում ամենակարեւորը «ինչո՞ւ» հարցին պատասխանելն է։ Առաջնորդության տեսանկյունից կարեւոր է «ինչո՞ւ» հարցի պատասխանով ոգեշնչվելը։ Փոխակերպումը նախեւառաջ մարդկանց մասին է, նրանց մտածելակերպի, վերաբերմունքի ու շատ կարեւոր է չմոռանալ այդ փաստը»,- շեշտել է նա։
Արտյոմ Ղազարյանը
Նրա հետ համամիտ է Telcell ընկերության կոմերցիոն տնօրեն Արտյոմ Ղազարյանը:
«Մենք ներկայացնում ենք թվային հետաքրքիր էկոհամակարգ, որտեղ կան բազմաֆունկցիոնալ եւ բազմատեսակ պրոդուկտներ, ինչպես բիզնես ներկայացուցիչների համար, այնպես էլ անհատների, ֆինանսական կազմակերպությունների եւ պետական հատվածի համար: Սակայն թվային ցանկացած լուծումների եւ գործընթացների հիմքում մարդիկ են», - ասել է նա:
Նունե Գրիգորյան
Լուսանկարները Ագապե Գրիգորյանի
17:50 | 11.05.23 |
Հոդվածներ
Աշոտ Վարդանյանի հիմնադրած Unum-ը մրցում է OpenAI-ի հետ
