Հայտնի է «Հայաստանի տեխնոլոգիական ապագան» նախաձեռնության հիմնադիր խորհրդի կազմը

Մայիսի 13-ին և 23-ին կայացել է «Հայաստանի տեխնոլոգիական ապագան» ծրագրի խորհրդի հիմնադիր նիստը։

Նիստում հաստատվել են ծրագրի աշխատակարգը, համագործակցության համաձայնագիրը, հաստատվել համագործակցության հիմնական սկզբունքներն ու ուղղությունները։

Նիստի ընթացքում ընտրվել են հիմնադիր խորհրդի ներկա և ապագա նախագահները։ Ներկա նախագահ է ընտրվել Հայաստանի ամերիկյան համալսարանի նախագահ Կարին Մարկիդեսը, ապագա նախագահ՝ Հայաստանի ազգային ագրարային համալսարանի ռեկտոր Վարդան Ուռուտյանը։

Հիմնադիր խորհրդում ընդգրկվել են՝

•    ԱՏՁՄ-ն (գործադիր տնօրեն Հայկ Չոբանյան),
•    Երևանի պետական համալսարանը (ռեկտոր Հովհաննես Հովհաննիսյան),
•    Հայաստանի ազգային ագրարային համալսարանը (ռեկտոր Վարդան Ուռուտյան),
•    Հայաստանի ամերիկյան համալսարանը (նախագահ Կարին Մարկիդես),
•    Հայաստանում ֆրանսիական համալսարանը  (ռեկտոր Բերտրան Վենար),
•    Հայ-ռուսական համալսարանը (ռեկտոր Արմեն Դարբինյան)։

Խորհրդի նիստերին մասնակցում են նաև ՀՀ փոխվարչապետերի գրասենյակների ներկայացուցիչները։

Հարթակի մասնակիցները ակտիվ կհամագործակցեն հետեւյալ թիրախային ուղղություններով՝

•    արհեստական բանականություն,
•    առաջնորդություն և կառավարում,
•    տեղական կլաստերների կարողությունների զարգացում,
•    STEM կրթության խթանում,
•    նորարարություն։

Առաջատար տեխնոլոգիաների ձեռնարկությունների միությունն ստանձնել է ծրագրի քարտուղարությունը։ Նախաձեռնության նպատակն է Հայաստանի տեխնոլոգիական զարգացման անհրաժեշտ արդյունքներին հասնելու համար գիտակրթական ծրագրերի իրականացումը, դրանց շրջանակներում գիտակրթական հաստատությունների, տեխնոլոգիական ոլորտի, ինչպես նաև  պետություն մասնավոր երկխոսության զարգացումը։