Գյումրիում Արհեստական բանականության կրթական ծրագիր կիրականացվի

Գյումրիի տեղեկատվական տեխնոլոգիաների Կենտրոնը (GITC) եւ IBM ընկերության համագործակցությամբ Հայաստանում արհեստական բանականության ոլորտում կրթական ծրագիր կիրականացվի:

Ծրագրի շրջանակում GITC-ն SmartClick ընկերության հետ համատեղ արդեն իրականացնում է Արհեստական Բանականության խորացված դասընթաց + փորձաշրջան ձեւաչափով ծրագրի ընդունելություն։  

Ուսումնական ծրագիրը հիմնված է SmartClick ընկերության մասնագիտական կարիքների վրա եւ ներառում է IBM-ի AI բովանդակությունը։ Ավարտական քննությունների արդյունքում լավագույն առաջադիմություն ցուցաբերած շրջանավարտը հնարավորություն կունենա այցելելու Լոնդոն՝ IBM ընկերություն:

6 ամիս տեւողությամբ դասընթացը, որը կվարի SmartClick ընկերության Տվյալագիտության տեխնիկական ղեկավար Արդալան Հոսսեյնին, կմեկնարկի 2022թ. հունվարի 12-ին: Հայտերն ընդունվում են մինչեւ դեկտեմբերի 7-ը՝ այստեղ:

Այսպ պահին ծրագիրն արդեն ունի ավելի քան 100 դիմորդ, որոնք ծրագրին մասնակցելու համար քննություն կհանձնեն: