Twitter-ի նոր գործառույթը թույլ է տալիս գումար ուղարկել հեղինակներին

Twitter-ը գործարկել է հարթակում հեղինակներին ուղղված դրամային փոխանցումների գործառույթ: Ներկայում այն բաց է օգտատերերի մի մասի համար:

Tip Jar-ը հասանելի է հավելվածի անգլերեն տարբերակում՝ Android եւ iOS համակարգերում:

Գործառույթի նպատակն է թույլ տալ, որ օգտատերերը աջակցեն իրենց դուր եկած հեղինակներին:

Now you can do more to support the many amazing voices who add to the conversation on Twitter –– send them tips.

You can send someone a tip through several payment services by tapping the new Tip Jar icon on their profile, testing on Android and iOS. https://t.co/oSrfY2sJ8b

— Twitter Support (@TwitterSupport) May 6, 2021

Հայտնի է, որ ուղարկվող գումարից Twitter-ը միջնորդավճար չի վերցնի: Փոխանցումներ հնարավոր է կատարել Bandcamp, Cash App, Patreon, PayPal եւ Venmo դրամային փոխանցումների համակարգերի միջոցով:

Հավելենք, որ շաբաթներ առաջ հայտնի դարձավ, որ Twitter-ը սկսել է թեստավորել բիզնես օգտահաշիվների գործառույթը, որը թույլ կտա ընկերություններին, շահույթ չհետապնդող կազմակերպություններին, հեղինակներին՝ ավելի շատ տեղեկատվություն ներկայացնել իրենց գործունեության մասին: