Bars. Facebook-ը ռեփի սիրահարներին ուղղված հավելված է մշակել

Facebook-ը գործարկել է Bars հավելվածը՝ նվիրված ռեփի սիրահարներին:

Bars-ն առաջարկում է օգտատերերին ռեփ կարդալ արդեն պատրաստի բիթերի տակ: Տեսանյութը կարելի է հրապարակել Facebook-ում եւ հավանումներ ստանալ ընկերներից:

Հավելվածը ներկայումս գտնվում է փակ թեստավորման ռեժիմում եւ հասանելի է միայն iOS սարքերի համար:

Հավելվածն օգտագործողները կարող են ձայնագրել ոչ ավելի, քան մեկ րոպե տեւողությամբ տեսանյութեր եւ կիրառել «հատուկ աուդիոէֆեկտներ»: Գրանցվելիս հավելվածը հարցնում է, թե որքանով եք փորձառու ռեփեր: «Սկսնակ»-ներին հավելվածը ցույց կտա ավտոմատ հանգավորված շտեմարան, իսկ «փորձառուներին» հասանելի է ֆրիսթայլ ռեժիմը:

Bars-ի մշակմամբ զբաղվում է Facebook-ի New Product Experimentation բաժինը: