15:04 | 29.07.20 | Նորություններ | 2389

CES 2021-ը կանցկացվի առցանց

Լաս Վեգասում անցկացվող Consumer Electronics Show (CES) ամենամյա խոշորագույն տեխնոլոգիական միջոցառումը 2021թ. կանցկացվի առցանց ռեժիմով:

Կազմակերպիչները տեղեկացրել են, որ CES 2021-ի անցկացման օրերն են հունվարի 6-ից 9-ը:

Նրանց խոսքով, ցավոք, համավարակի պատճառով հնարավոր չի լինի այդքան մարդ հավաքել մեկ հարկի տակ՝ Լաս Վեգասում:  «Տեխնոլոգիաները մեզ թույլ են տալիս աշխատել, սովորել եւ հաղորդակցվել համավարակի ժամանակ: Դրանք կօգնեն CES-2021-ի ընթացքում միավորել տեխնոլոգիական գլոբալ համայնքը»:

Կազմակերպիչները նաեւ հույս են հայտնել, որ 2022-ին կկարողանան միջոցառումը օֆլայն հարթակ տեղափոխել:

CES միջոցառումն արդեն մոտ 50 տարվա պատմություն ունի: Այն ստեղծում է հարթակ, որտեղ ստարտափները եւ կայացած ընկերությունները ներկայացնում են ապագայի իրենց տեսլականը: Նշենք, որ 2020թ. միջոցառմանը մասնակցել է 171 հազ. մարդ: