Mozilla-ի նոր ինկուբատորը փնտրում է «ինտերնետը լավը դարձնող» ստարտափների

Mozilla-ն հայտարարել է Mozilla Builders ստարտափ ինկուբատորի գործարկման մասին:

Ընկերությանը հետաքրքրում են մարդիկ, նախագծեր եւ տեխնոլոգիաներ, որոնք կօգնեն «բարելավել ինտերնետը»:

«Firefox- ը, Wikipedia- ն, Wordpress- ը, DuckDuckGo- ն, Kickstarter- ը, Etsy- ն, Node.js- ը, Ethereum-ը Ինտերնետում լավ բաների օրինակ են: Մենք ցանկանում ենք նմանատիպ հազարավոր լուծումներ ստեղծել»,- նշել են Mozilla-ում:

Mozilla Builders-ը կմեկնարկի միանգամից երեք ծրագիր: Դրանք են՝

- Startup Studio – ծրագիրը նախատեսված է վաղ շրջանի ստարտափների համար: Ընկերությունը պատրաստ է $75 հազ. տրամադրել՝ ընկերությունում 3,5% մասնաբաժնի դիմաց:

- MVP Lab - կոմերցիոն եւ ոչ կոմերցիոն կազմակերպությունների համար 8 շաբաթ տեւողությամբ ծրագիր, որը թույլ կտա մշակել կոնցեպտ եւ ստեղծել նվազագույն կենսունակ պրոդուկտ: Թիմերից յուրաքանչյուրը կստանա $16 հազ.:

- Open Lab - ծրագիր այն թիմերի համար, որոնք ցանկանում են վերամշակել իրենց լուծումը՝ խորհրդատուների օգնությամբ: Մրցանակային ֆոնդը կկազմի $100 հազ.՝ The Startup Studio-ի եւ The MVP Lab-ի լավագույն 10 թիմերի համար: