Գորիսում 1 շաբաթ շարունակ տեխնոլոգիական միջոցառումներ կանցկացվեն

Ապրիլի 13-19-ը Գորիսում կանցկացվի տեխնոլոգիական շաբաթ, որը մեկ վայրում կհամախմբի հայկական մի շարք խոշոր ՏՏ միջոցառումների:

Tech Week Goris-ը կազմակերպվում է gg եւ Instigate ընկերությունների կողմից։ Կազմակերպիչների խոսքով, միջոցառումների շարքը նպատակ ունի դառնալ հարթակ՝ ՏՏ համայնքի միջեւ կապերի հաստատման եւ Հայաստանի մարզերի հզորացման համար։

Շաբաթվա շրջանակում կանցկացվեն հետեւյալ միջոցառումները՝

JS day
Software Testing and not only
HackFest
Crowdfunding Conference
Seaside Conference
Invest Conference
Կլոր սեղան քննարկումներ

Շաբաթվա ընթացքում նախատեսվում է նաեւ նոր Արմաթ աշխատանոցների բացում՝ Գորիսի հարակից գյուղերում: Իր հերթին, «Ինստիգեյթ Մոբայլ» ընկերությունը Կապանում կհիմնի ինժեներական թիմ, իսկ gg-ն կսկսի գործել նաեւ Գորիսում: