Instagram-ը երիտասարդների հոգեկան առողջության համար ամենավտանգավոր սոցիալական ցանցն է:
Նման եզրակացության են հանգել Մեծ Բրիտանիայի առողջապահության թագավորական ընկերության փորձագետները, վերլուծելով այն սպառնալիքները, որոնք ստեղծում է Instagram-ը:
Մեծ Բրիտանիայում 1500 երիտասարդների շրջանում անցկացված հարցումը ցույց է տվել, որ բացասական հոգեբանական ազդեցության ցուցանիշով Instagram-ը նկատելիորեն առաջ է այլ սոցցանցերից:
Երկրորդ եւ երրորդ տեղերը զբաղեցնում են Snapchat-ը եւ Facebook-ը: Twitter-ը չորրորդ տեղում է, իսկ YouTube-ը՝ հինգերորդ:
«Երիտասարդների մոտ զարգանում է դեպրեսիա եւ անլիարժեքության զգացում, քանի որ սկսում են իրենց մարմինները համեմատել այն «իդեալական» մարմինների հետ, որոնք տեսնում են Instagram-ում: Նման վերլուծության է ենթարկվում նաեւ կենսակերպը»,- պարզաբանել են հետազոտության հեղինակները:
