ՎիվաՍել-ՄՏՍ-ը հայտարարել է մեծ զեղչ` ամպային ենթակառուցվածքների ծառայությունների համար

ՎիվաՍել-ՄՏՍ-ը հայտարարել է մեծ զեղչ՝ մեծ, միջին եւ փոքր ընկերությունների համար նախատեսված ամպային ենթակառուցվածքների ծառայությունների համար:

Այս ծառայությունների շնորհիվ ընկերությունը ստանում է բազմատեսակ ամպային ենթակառուցվածքի՝ սերվերների, տվյալների պահման համակարգերի, ինչպես նաեւ այդ ռեսուրսների կառավարման համար ծրագրային հասանելիություն՝ միեւնույն ժամանակ խուսափելով թանկարժեք սարքավորում ձեռքբերելու անհրաժեշտությունից:

Ամպային ենթակառուցվածքների ծառայությունների շնորհիվ ընկերությունը վճարում է միայն համապատասխան ռեսուրսը տվյալ ժամանակահատվածում օգտագործելու համար եւ կարող է ավելացնել կամ նվազեցնել օգտագործվող ռեսուրսների ծավալն՝ ըստ անհրաժեշտության: